Ушланган шахс тергов жараёнида айтиши мумкин бўлмаган олтин қоидалар:
Ҳуқуқни муҳофаза қилувчи органларга чақирилган ёки ушлаб келинган фуқаролар учун, эслатма ёҳуд ҳуқуқий ёрдам. Сиз томондан ходимга айтиладган 5-та нотўғри кўрсатмаларни санаб ўтаман:
1. Мен бор ҳақиқатни айтиб бераман, сиз менга ёрдам беринг.
2. Мен айбдорман, лекин атайлаб қилмадим.
3. Терговчи билан ўртамиздаги муносабатларни бузиш ниятим йўқ, нима деб айтишим керак.
4. Менга айтгани учун бажардим.
5. Менга адвокат керак эмас, одамгарчилик юзасидан тўғрисини айтиб бераман.
Ушбу юқоридаги жумла сўзларни тергов жараёнида асло айта кўрманг. Сабаби, сиз содир этилган жиноятни тан олган бўласиз ва терговчи мазза қилиб ижод қилиши учун имконият яратган бўласиз.
Ёдингизда тутинг, сизни суриштирув, терговга олиб келишганда ёҳуд чақирув хатига асосан ўзингиз келсангиз қуйидагича кўрсатмалар бериб ўтинг:
1. Мен бор ҳақиқатни айтиб бераман, сиз менга ёрдам беринг- жумла ўрнига “Менга адвокат ҳимоячи билан таъминланг, у келгунича кўрсатма бермай тураман”
2. Мен айбдорман, лекин атайлаб қилмадим- жумла ўрнига “Ўзбекистон Республикаси Конситутциясининг 28-моддасида кўрсатилган ҳуқуқларимдан фойдаланган ҳолда сукут сақлайман, адвокатим келгунича”
3. Терговчи билан ўртамиздаги муносабатларни бузиш ниятим йўқ, нима деб айтишим керак- жумла ўрнига “Менга ушлаб туриш ҳақидаги баённомага ҳақиқатда ушлаган йил, ой, кун, вақтимни тўғри ёзинг ва баённомадан нусҳа беринг”
4. Менга айтгани учун бажардим- ўрнига“Мен ўзимга ва яқин қариндошларимга қарши кўрсатма бермайман, бу Конситутцияда белгилаб қўйилган ҳуқуқим”
5. Менга адвокат керак эмас, одамгарчилик юзасидан тўғрисини айтиб бераман- жумла ўрнига “Бир маротаба телефон қилиш ҳуқуқим мавжуд, ушбу ҳуқуқимни амалга оширишга имконият беринг, адвокатим келганда кўрсатма бераман” деб айтишингиз лозим.
Бўлиб ўтган ҳолатни тезроқ ёзиб беринг, кейин қўйиб юбораман деган алдовларга асло ишонманг