Имтиёз

❗️Фермер хўжаликларига нисбатан ҳам имтиёзлар тақдим этилмоқда.
📑 Ўзбекистон Республикаси Президентининг 19.03.2025 йилдаги «Кичик ва ўрта бизнеснинг иқтисодиётдаги ўрнини ошириш чора-тадбирлари тўғрисида»ги ПФ-50-сонли Фармони қабул қилинди. Унuа мувофиқ мамлакатимиздаги тадбиркорларга бир қанча имтиёзлар тақдим этилмоқда. Жумладан, Фармонинг 13-бандига асосан, мазкур фармон кучга киргунга қадар (яъни 23.03.2025 йилга қадар) фермер хўжаликларида мавжуд бўлган солиқ қарздорликлари бўйича ҳисобланган пеня ҳисобдан чиқирилмоқда ҳамда суд ва ижро ҳужжатларининг ушбу пеня билан боғлиқ қисмлари тугатилмоқда.
📌 Бу нима англатади? Солиқ кодексининг 55-моддасига биноан, солиқ қарзи сифатида белгиланган муддатда тўланмаган молиявий санкциялар ва пенялар солиқ қарзи деб эътироф этилади. Эндиликда, Президентимизнинг ушбу Фармони билан фермер хўжаликларининг солиқлар бўйича қарзларидан ҳисобланган пенялардан расман воз кечилди. Бироқ, уларнинг зиммаларидан ҳали ҳам давлат бюджетига тўланиши лозим бўлган, белгиланган муддатларда тўланмаган солиқлар бўйича қарздорлик мавжуд!